Tulo (3) an kumpirmadong nagadan asin onse (11) an nalugadan matapos an nangyaring shooting incident sa Banga National High School sa South Cotabato ngunyan na aldaw, Setyembre 18.
Segun sa mga awtoridad, kabali sa mga nagadan an pinagtutubudan na gunman na sarong estudyante man kan eskwelahan.
Nangyari an pamamaril bandang ala-1:30 nin hapon, kun sain nagkapirang estudyante man an nagkaigwa nin tama nin bala asin tulos na idinalagan sa mga ospital para sa asistencia medical.
Tulos man na sinuspinde an klase sa gabos na lebel sa bilog na banwaan kan Banga matapos an insidente.
Mientrastanto, kinumpirmar ni DILG Sec. Jonvic Remulla na dating empleyado kan local na gobyerno an ama kan nambadil na estudyante asin pinagtutubudan na posible suboot na sadiri kaini an ginamit na badil kan suspek.
Padagos an imbestigasyon kan pulisya tanganing maaraman an bilog na pangyayari asin an motibo kan pambabadil.
