Liwat na nagtindog sa witness stand si Securities and Exchange Commission (SEC) Director Gerardo del Rosario para sa padagos na cross-examination kan defense team ni Bise Presidente Sara Duterte sa Senado.
Si Del Rosario, na nagtutukaw bilang ikaduwang testigo kan House prosecution panel, iniprisentar kan lado kan prosekusyon tanganing magtao nin testimonya manungod sa isyu kan kawaran nin probisyon para sa bilog na divestment kan mga sadiring negosyo asin interes.
Tulos man siyang nag-atubang sa cross-examination ni Atty. Justin Nicol Gular kan depensa.
Ginuno kan prosekusyon an saiyang pahayag asin mga dokumento hale sa SEC tanganing suportahan an mga probisyon sa impeachment complaint na nag-aakusa sa bise presidente nin daa’ing maipaliwanag na kayamanan asin posibleng pagbalga sa probisyon kan Saligang Batas.
Sa ginibong paghapot, pinahiling asin saro-sarong iniladawan kan mga abogado ni VP an mga legal na argumento tanganing kwestyunon asin pasubalian an sakop pati na man an kredibilidad kan mga report asin sertipikasyon na iprinisentar kan nasabing opisyal kan SEC.
Kaiba an isyung ini sa Articles of Impeachment na sa presente dinidinig kan Senate impeachment court sa pagpadagos kan pormal na paglilitis laban sa ikaduwang pangulo kan nasyon.
