Ipinahayag ni Securities and Exchange Commission (SEC) Director Gerardo del Rosario na mayong nakahain sa saindang ahensya na opisyal na dokumento nin divestment na nagpapatunay na ibinalyo ni Bise Presidente Sara Duterte an saiyang ownership o pagmamay-ari sa pirang kumpanya pasiring sa ibang tawo.
Nagluwas an pahayag matapos haputon ni Senador-Hukom Risa Hontiveros an testigo kan prosekusyon kun igwa nin naisumitir na pormal na dokumento sa SEC manungod sa sinasabing pag-divest kan Bise Presidente sa mga negosyong enot nang pinag-ulayan sa impeachment trial.
Paliwanag ni Del Rosario, igwa nin pirang kumpanya kun sain dai na sana nagluwas an pangaran ni Duterte bilang stockholder o director sa mga sumunod na General Information Sheet (GIS).
Lininaw man kan testigo na an solong basehan kan SEC sa pagkawara kan pangaran kaini iyo an mga naglaog na GIS sana asin mayong suway na legal na papel na nagpapatunay nin pormal na pagbalyo nin ari-arian.
Dugang pa kan opisyal kan SEC, sa iba pang kumpanyang pinag-ulayan sa paglilitis, mayo siyang nahiling na anuman na indikasyon sa mga kasunod na GIS na nag-divest o naghali sa pwesto an Bise Presidente.
