Nakatakdang magbisita sa Pilipinas si Anna Leigh Waters, an itinuturing na Pickleball World No. 1, sa maabot na Oktubre para sa Franklin Asia Pickleball Showcase.
An Pilipinas an napiling pinakaenot na destinasyon kan nasabing pankinaban na showcase bago ini ipromote sa iba pang nasyon sa Asya arog kan Malaysia, Hong Kong, asin Vietnam.
Ipinahayag kan mga organizers na an nasyon an sa presente nagtatala kan pinakamarikas na pagtalubo sa lado kan pickleball sa bilog na kinaban matapos makarehistro nin impresibong 1,213% year-over-year growth rate.
Huli sa marikas na pagdakol kan mga nagkakawat asin nagkakagusto sa naturang pakusugan, ibinugtak ninda an Pilipinas sa tuktok kan mga prayoridad kaini para sa saindang global expansion.
Nilalaomang magtatao nin dakulang inspirasyon sa mga lokal na atletang Pilipino an pagbisita asin pagpresentar kan world number one player sa maabot na bulan.
