Pigsugo ni Presidente Ferdinand Marcos Jr. pag-imbestigar sa mga reklamo kan sarong grupo nin mga atletang Pilipino, partikularmente an mga miembro kan Alas Pilipinas men’s volleyball team, na naggastos kan saindang sadiring kwarta sa panahon kan Asian Games sa Japan.
Segun ni Palace press officer na si Claire Castro na gustong maaraman kan Presidente kun kulang an suporta kan gobyerno para sa mga atleta na
nagrerepresentar sa nasyon.
Katuyohan kan imbestigasyon na maaraman an tunay na eksperyensya kan mga parakawat asin kun ano an mga problemang saindang naagihan.
Mawot ni Marcos na maaraman an kumpletong detalye antes magtao nin pahayag dapit sa isyu.
Lilinawon man sa imbestigasyon kun may mga pagkukulang sa suporta kan gobyerno asin kun magkatugma an mga alegasyon sa katotoohan.
Nagsabi na kulang an suporta pinansyal an Alas Pilipinas men’s volleyball player na si Bryan Bagunas , asin an ibang miyembro kan koponan kinaipuhan na gamiton an saindang sadiring kwarta para sa pagkakan mantang yaon sa Japan.
