Isinangat na kan National Bureau of Investigation (NBI) sa Office of the Ombudsman an resulta kan saindang imbestigasyon manungod sa sinasabing ‘misdeclarations’ sa SALN o Statement of Assets, Liabilities, and Net Worth ni Bise Presidente Sara Duterte.
Sa sarong panayam, kinumpirma ni NBI Director Atty. Melvin Matibag an pag-‘turn-over’ kan imbestigasyon kan kawanihan sa tanodbayan.
Kapansin-pansin an mga kahon-kahong ebidensya na dara kan mga ‘NBI Agents’ na may koneksyon sa sinasabing mga rogaring kan ikaduwang presidente na ‘misdeclared’ sa saiyang SALN.,Kaya, segun sa direktor, nasa Office of the Ombudsman na an hurisdiksyon para sa pagpadagos kan imbestigasyon manungod sa nasabing kaso.Mas marhay daa na an tanodbayan na an mag-isyu nin ‘subpoena’ asin bako na sinda, kun naghahalat sana an bise presidente na siya ipatawag.
Segun ki NBI Dir. Matibag, may koneksyon an isinangat na ‘referral’ partikular sa idineklarang ‘agricultural land’ kan ikaduwang presidente na daa may ‘helipad’ pa.
Base sa imbestigasyon kan kawanihan, nagluwas na igwa nin ‘undeclared properties’ si Bise Presidente Sara Duterte sa saiyang SALN.
