Nasulo an sarong barko na may bandera kan Comoros mantang nasa territorial waters kan Romania kasunod kan mga bareta nin bagong pag-atake nin drone sa rehiyon kan Black Sea.
Segun ki Romanian Defence Minister Radu Miruta, pormal nang iniimbestigaran kun drone an nagtama sa tanker na Yara J matapos man na makapagtala nin sunod-sunod na paglaog kan mga dai midbid na drone sa airspace kan nasyon.
Nangyari an insidente matapos man na maitala an pag-atake sa duwang barko sa baybayon kan Bulgaria kun sain tulos na luminubog an saro sa mga ini, na nagtulod sa gobyerno kan Bulgaria na ipatawag an ambassador kan Russia.
Iginiit man ni Ukrainian President Volodymyr Zelenskyy na an mga serye nin pambobomba sa mga sibilyan na barko sa neutral waters iyo an gibo kan mga drone kan Russia.
Huli sa naglalangkaw na huma sa mga ruta nin komersyo asin enerhiya sa Black Sea, nagpoon na nin konsultasyon an mga kataraid na nasyon kaiba an Bulgaria, Romania, asin Turkiye tanganing patibayon an seguridad kan mga sasakyang-dagat asin bantayan an teritoryo kan NATO asin European Union.
