Dinaog kan Houston Rockets an Oklahoma City Thunder sa saindang preseason game ngunyan na aldaw, Oktubre 16, sa iskor na 116-89.
Dai nagin bastante an halawig na pagkakababad sa court kan Thunder star na si Shai Gilgeous-Alexander tanganing makua an kapangganahan huli sa kadakol na turnover na nagibo kan saiyang koponan.
Nag-abot sa 17 turnover an nagibo kan OKC na nagin dakulang bentahe para sa Houston.
Huli sa higot na depensa kan Houston, nakagibo ini nin 13 dakulang steals, na an kadaklan digdi nangyari sa clutch time kan laban.
Kontrolado kan nagganang koponan an laban poon sa kapinonan sagkod sa katapusan, sa ibong kan pagprobar kan OKC na makabawi sa tahaw kan laban.
Sa katapusan, tinapos kan Houston an laban na may kapot na 27-point lead.
Nanginot sa kapangganahan kan Rockets an sentrong si Alperen Sengun na nakagibo nin 14 points, 7 rebounds, limang assists, duwang block, asin sarong steal.
Nagdugang man nin 12 points, limang rebounds, asin apat na assists an bagitong guard na si Amen Thompson.
Para sa OKC, nag-abot sa 17 points an naiskor kan dating Finals MVP na si Shai mantang 18 points man an naibulsa kan forward na si Jalen Williams.
Ini na an ikaapat na pagkadaog kan Thunder ngunyan na preseason mantang saro pa sana an kapangganahan kan koponan.
Kapot man kan Rockets an 2-1 na win-loss records.
