Kinumpirma kan Nigeria an sarong kaso nin Ebola virus disease sa Abuja, matapos makumpirma an impeksiyon sa sarong pasyente na may travel history sa Uganda.
Segun ki Nigerian Health Minister Muhammad Ali Pate, naka-isolate na an pasyente asin nag-aako nin medical care.
Ginibo an contact tracing asin 44 na indibidwal an natukoy na posibleng nakasalamuha kan pasyente.
Padagos na minomonitor an mga ini tanganing mapugulan an paglakop kan virus.
Advertisement
An pasyente, na nagpoon makamati nin sintomas kan Oktubre 7, nag-abot sa Nigeria apat na aldaw bago kaini.
An Ebola sarong malubha asin posibleng makagadan na helang na naipapasa sa direktang paghawak sa dugo o iba pang body fluids kan may impeksiyon.
Advertisement
