Umabot na sa kabilugan na 2,011 an kumpirmadong nagadan huli sa Ebola sa Democratic Republic of Congo, mantang padagos na marikas na naghihiras an virus sa pirang parte kan nasyon.
Segun sa pinakabagong datos kan Congo’s public health institute, nasa 4,381 na an kumpirmadong kaso kan Ebola sa limang probinsya.
Kabali sa mga kawsa kan marikas na pagkalat kan virus an pakahaloy kan pagka aram kan mga kaso,kaguluhan sa pirang lugar asin kakulangan sa health services.
Ini na an ika-17 Ebola outbreak sa Congo na kawsa kan Ebola Bundibugyo species, na mayo pang aprubadong bakuna.
Idineklara man kan World Health Organization an outbreak komo sarong public health emergency of international concern, makalihis man marehistro an mga kaso sa Uganda.
Segun sa sarong pag-aadal na inilathala sa journal Science, pwedeng nagpuon an transmission kan Enero sa Ituri province.
Lampas 500 suspected cases na suboot an nakompirma duman puon Enero hasta Mayo 15.
Mas pinapadipisil man an pag responde outbreak an kakulangan sa medical supplies asin seguridad sa mga apektadong lugar.
Huli digdi, nasasakitan an mga awtoridad na aramon an mga nakasalamuha kan mga pasyente, isuhay an mga infected asin mapugulan an karagdagang transmission.
Sa rikas kan paglangkaw kang komo kan mga nagdan, mas marikas an presenteng outbreak kumpara sa mga nakalihis na Ebola outbreak sa Congo.
Sa presentng outbreak, nagsakat hali sa 1,000 hasta 2,000 an komo kan mga nagadan sa laog sana kan dae pa sarong bulan.
Mientrastanto,padagos man nakaka apekto sa containment efforts an paghandal asin kawaran nin tiwala kan pirang komunidad sa mga health workers, kabali na sa urulay kan pagkapot asin paglulubong sa mga nagadan huli sa Ebola.
