Nag-apela si Agriculture Secretary Francisco P. Tiu Laurel Jr. sa Senado na aprubahan an P198.4-bilyong budget kan Department of Agriculture para sa taon 2027.
Segun saiya, sabay-sabay na pinapasan kan mga paraoma asin parasira an krisis kan climate change, super El Niño, asin an paglangkaw kan presyo kan pataba asin krudo.
Patanid ni Tiu Laurel, posibleng maapektuhan kaini an sagkod 4.6 milyong paraoma sa bilog na nasyon.
Idinuon niya, bakong makatanusan na maghagad nin baratong pagkakan kun mismo an mga nagtatanom an nagkakaproblema sa gastos sa produksyon.
Katuyuhan kan ipinapanukalang pondo na tabangan an sektor gamit an de-kalidad na binhi, modernong teknolohiya, asin mga bagong farm-to-market road asin cold storage.
Makakatabang man ini tanganing mabawasan an pagkalugi asin mapalangkaw an kita kan mga komunidad sa rural na lugar.
Maski na nagbaba sa 7.9% an parte kan agrikultura kan 2025, padagos pa man giraray ining nagtatao nin trabaho sa saro sa dakol na Pilipino.
Dugang pa kan DA, kaipuhan man an dakulang pondo para sa irigasyon asin post-harvest facilities tanganing dagos ng magin matibay an suplay asin seguridad kan pagkakan sa nasyon.
