Ipigtulod kan Department of Health (DOH) asin PhilHealth an mga bagong lakdang tanganing mas mapahiwas an mga serbisyo para sa HIV sa nasyon.
Kabali sa mga pangenot na lakdang na ini an pagsali kan HIV testing sa programang YAKAP asin an pagseguro na igwa nin supisyenteng suplay kan mga bulong.
Papakusugon man an HIV awareness sa mga eskwelahan, opisina, asin komunidad tanganing mas magin bukas an kaaraman kan publiko.
Kabali man sa plano an pagpakusog kan treatment monitoring, mas mahiwas na access sa Pre-Exposure Prophylaxis (PrEP), asin an pagpakarhay kan serbisyo sa mga primary care facilities asin social hygiene clinics.
Segun ki Health Secretary Edwin Mercado, kayang makontrol an HIV sa paagi kan padagos-dagos na pag-inom nin bulong.
Huli kaini, itinugdok na sa ₱58,500 hale sa dating ₱30,000 an taonan na coverage kan PhilHealth Outpatient HIV/AIDS Treatment (OHAT) package bilang parte kan Unified National Agenda (UNA) for Health.
