Duwampu’t saro sa 24 na testigo na gustong iharap kan kampo ni Vice President Sara Duterte sa impeachment trial an nakaresibi na nin subpoena bilang pagpreparar sa pagpadagos kan mga pagdangog sa Nobyembre 9 sagko
Kinumpirmar ini ni Senate Secretary asin Impeachment Clerk of Court Renato Bantug Jr., na nagsabi na an natatadang tulong subpoena ipapasa naman sa Lunes, Nobyembre 9.
Linaoman na magpoon sa nasabing aldaw an presentasyon kan depensa, kun sain mahaharap an mga testigo para sa direktang paghapot kan kampo ni Duterte, cross-examination kan prosecution, asin paghapot kan mga senator-judge.
Naroromdoman na 24 na testigo an natatada sa listahan kan depensa pagkatapos mag-atras si Dean Ralph Sarmiento, na enot man na kaiba sa mga gusto nindang ipatawag.
An pagwaras nin subpoena parte kan pagpreparar sa pagdangog tanganing masiguro an pag-atubang kan mga testigo na kaipuhan mag-atender sa impeachment court.
