Nagpromesa an House Committee on Agriculture and Food na babantayan an mga nabuyagyag na salang coordinates sa mga farm-to-market-roads (FMR) na kabali sa ipinapanukalang 2027 national budget.
Kabali digdi an imbestigasyon kan Department of Agriculture (DA) sa nasambit na mga proyekto tanganing maaraman an katotoohan sa likod kan mga ini.
Segun ki committee chair asin Quezon City Rep. Mark Enverga, gusto kan Kongreso na maseguro na mapapanagot an mga responsable sa nasambit na mga panukala, masuri an lawig kan pagkakamali, asin masegurong dai na mauutro an kaparehong isyu.
Segun sa mambabatas, ‘welcome’ para sa Agri and Food Committee an promesa ni DA Sec. Francisco Laurel Jr. na susuruon an gabos na kabali sa nasambit na isyu asin tukuyon an mga nasa likod kaini.
Kaiba kan DA sa nasambit na imbestigasyon an nagkapirang budget watchdog, asin an iba sa mga ini iyo an mismong nagbuyagyag kan pagkakamali sa nasambit na mga coordinates.
Naenot nang inako kan DA na walo sa 1,669 na farm-to-market road projects sa National Expenditure Program (NEP) an igwang salang coordinates huli sa encoding errors o salang pagka-type kan saro o duwang numero.[SEO DATA]
Keyword: Salang Coordinates
