Pig-asegurar ni House prosecutor asin Bicol Saro Party-list Rep. Terry Ridon na masusuring marhay kan prosecution an 24 na posibleng testigo kan depensa ni Vice President Sara Duterte sa pagpadagos kan impeachment trial sa Lunes, Nobyembre 9.
Sinabi ni Ridon na kokontrahon ninda an mga testigong mayong direktang koneksyon sa alegasyon nin dai maipaliwanag na yaman laban sa Bise Presidente.
Tatawan ninda nin magkakanigong oportunidad an depensa na ipresentar an saindang lado.
Idiniin ni Ridon na maghahain sinda nin pagkontra kun dai importante o mayong koneksyon an testimonya kan mga ipapresentar na testigo.
Kinuwestiyon man niya kun makakatabang an mga nakalista nang testigo, kaiba an mga opisyal kan bangko, representante kan mga korporasyon asin empleyado kan lokal na gobyerno, tanganing simbagan an mga ebidensyang iprinisentar kan prosecution.
Mantang, sinabi ni House prosecution legal spokesperson Benjamin “Jay” Tolosa Jr. na andam sindang makipag-areglo sa depensa sa mga bagay na dai na kaipuhan pagdiskutiran tanganing malikayan an dai kaipuhang pagkaantala sa paglilitis.
Naenot nang inako kan Senate impeachment court an importanteng mga dokumentong pinansyal na iprinisentar kan prosecution, na igwang laog na mga alegasyon nin dai naideklarang yaman na nagkakantidad nin P817.87 milyon poon 2022 sagkod 2025.
“Kaya nga ang sinasabi natin, kailangan ho witnesses, hindi weaknesses ’yun pong isasalang po ng depensa sa darating pong mga araw. Kasi katulad ng binabanggit ho nitong nagdaan, parang wala po doon sa witness list ’yun pong tingin ko makakapagpaliwanag doon po sa punto per punto ng mga paratang at mga naipasok pong mga ebidensya sa formal offer of evidence,” pahayag ni Ridon.
