Nagpahayag nin kapreparaduhan asin pagtaong suporta an Armed Forces of the Philippines (AFP) sa Department of Public Works and Highways (DPWH) makalihis na hagadon kan ahensiya an saindang tabang sa pagkakasar nin inspeksiyon sa manlaen-laen na flood control projects sa laog kan nasyon.
Sigun ki AFP Spokesperson Col. Francel Margareth Padilla, binisto kan saindang kabuhan an bilog na kapasidad kan DPWH para sa implementasyon kan mga nasambitan ng proyekto.
Preparado soboot na magtao nin assistance an Sandatahang Lakas sa paagi kan seguridad asin iba pang gibuhon komo parte kan saindang suporta sa ahensiya sa mga inisyatibo kaini.
Dugang pa digde, sigun ki AFP Public Affairs Office Chief Col. Xerxes Trinidad, hahalaton na sana kan saindang tropa an opisyal asin pormal na request gikan sa DPWH para sa kun anong espesipikong gibuhon asin saen pupuonan an pagtatao ninda nin assitance sa ahensiya.
Mayo pa kayang nareresebir na pormal na dokumento an AFP dapit digde na iyo mang padagos na pighahalat kan Sandatahang Lakas tanganing maipautob an saindang mga maiheheras na tabang sa inspeksiyon kan nasambitan ng departamento.
Mientrastanto, enot na digde, nagpahayag na man nin kapreparaduhan an Philippine National Police (PNP) tanganing makapagtao nin seguridad asin iba pang klase kan assistance sa gigibuhong inspeksiyon asin pagberipika kan iba pang mga flood control projects sa nasyon.
