Aram baya nindo mga ka-bombo, an AI-generated na Psych-rock band na pig-apod na Velvet Sundown nakaguno nin maabot sa million na listeners sa sarong music platform.
An banda na ini an nagbutwa sana bigla haros duwang semana na an nakakalihis alagad nakayang magluwas nin album.
Alagad an trayumpo na ini an nagin sentro man kan kontrobersiya kun saen pig-akusaran an Velvet Sundown komo AI-generated gimmick.
Sigun sa mga netizen, an ladawan kan music group sa Instagram an nagluluwas na gibo sa paagi kan AI.
Apwera digde, an mga pangaran kan miyembro kan banda na sinda Gabe Farrow, guitarist Lennie West, synth player Milo Rains, asin percussionist na si Orion “Rio” Del Mar mayo nang iba pang pagkakabistuhan apwera sa nakabugtak sa saindang Instagram account.
Susog sa report, nagpost naman soboot nin disclaimer an banda na an saindang ibang tracks sa album an pigkriar gamit an artificial intelligence.
Sa ngunyan, makalihis na magin laog kan diskusyon kan online world, pigkumpirmar man kan mga tawo na nasa likod kan proyekto na an banda an AI-generated.
