Pigtuyaw ni Catholic Bishops’ Conference of the Philippines President asin man Kalookan bishop Pablo Virgilio Cardinal David an AI image ni US President Donald Trump na nakasulot nin Santo Papa.
Sa saiyang Facebook post, sinaysay kan kardinal na dae ini makaogma, gamit an manlaen-laeng lenggwahe.
Antes an kontrobersiyal na post ni Trump, naenot na ining nagsuba na mawot man kaini na magin Santo Papa makalihis haputon kun sisay an mawot kaining sumunod ki Pope Francis.
Saro si Trump sa world leaders na nagpasiring sa Vatican City tangani makidumamay sa pagkagadan kan lider kan simbahang Katolika.
Advertisement
Sa ngunyan, padagos an pagpepreparar kan College of Cardinals para sa nararani na conclave o pagpili kan bagong Santo Papa.
Advertisement
