Dae nagtrayumpo an 19-year old Pinay tennis sensation na si Alex Eala na daugon an Rank 4 tennis veteran na si Jessica Pegula sa saindang Semi-Final Match sa WTA 1000 Miami sa skor na (7-6 | 5-7 | 6-3).
Nangyari an paghahampang ninda ngunyan na Biyernes, Marso 28, 2025 (oras sa Pilipinas).
Naging makasaysayan an ipinahiling na performance kan 19-anyos na si Eala makalihis an sunod-sunod na daog kan Grand Slam champion sa nasambitan ng tournament.
Susurion man kan mga doktor an walang bitis kan Pinay huli sa pangungulog kaini mantang pigsasagibo an match.
Mientrastanto, nagbulos pa man an pagbata para ki Alex gikan sa mga fans kaini sa Pilipinas asin sa iba pang mga nasyon.
Magin an pirang sports enthusiast an dae man napugolan na maghanga sa performance kan Pinay tennis sensation.
