24 oras na ikukulong sa detention facility kan House of Representatives si dating Presidential Spokesman Atty. Harry Roque makalihis patawan nin contempt kan quad committee.
Pigbusol ni Kabayan Party-list Ron Salo na ma-contempt si Roque makakalihis mapag-araman kan komite na pigpapahimutikan kaini an rason kun tano dae ini nakaatendir sa premirong pagdangog kan quad committee sa Bacolor, Pampanga kan August 16.
Sa irarom ni Roque sa committee kan Aug. 13 an saiyang sinaysay na dae ini makakaantendir sa pagdangog nin huli ta igwa ini nin hearing sa Manila Regional Trial Court.
Alagad sa certification na nakua kan komite gikan sa clerk of court kan Manila RTC an nagluwas na mayo ining hearing sa nasambitan ng aldaw.
Nag-sorry si Roque asin sinaysay na honest mistake an saiyang nagibo nin huli ta nariribong ini asin pighuna na Biyernes an hearing kaini sa RTC asin sa pagkakaaram kaini an dae man nagsasagibo nin pagdangog an Kamara tuyong Biyernes.
Nanindogan man an quad committee na pinahihimutikan ni Roques sa kamara kaya mayong nagkontra sa mosyon ni Salo na dahilan tanganing pagtibayon ini ni Surigao del Norte 2nd District Rep. Robert Ace Barbers na iyong chairman kan Committee on Dangerous Drugs asin panggabosan na presidente kan quad-committee.
