Aram baya mga ka-bombo, sarong 47-anyos na babae na gikan sa Western France an nakakapagtaram nin diritso asin fluent na English makalihis na halion an saiyang tonsil 14 taon na an nakakalihis.
Binisto an babae na si Laetitia, sarong cashier sa Montval-sur-Loir, sa France’s Sarthe Department.
Sigun ki Laetitia, dae soboot ini tatao magtaram nin English asin mga basic sana na mga words an saiyang pinag-adalan.
Alagad kun madadangog kan iba an nasambitan ng babae, dae matubod na ipinangaki ini sa England.
Sa laog kaya kan 14 taon, si Laetitia nakakataram nin English accent na paglaom kan iba an gikan ini sa Anglo-Saxon.
Na-stuck na soboot ini sa English accent makalihis magsairarom sa tonsil removal surgery.
Huli digde, nagdulok sa mga eskperto si Laetitia asin kalaunan an na-diagnosed na igwa kan inaapod na Foreign Accent Syndrome, sarong pambihirang kondisyon na kawsa kan aksidente, stroke, o operation.
Sa medical records kan babae kan magsairarom ini sa tonsil surgery, igwang area sa saiyang utak an kulang sa tubig na nagin rason sa saiyang English accent.
Sa ngunyan, maski mawot pa man kaini na maibwelta an dating boses, nanudan naman kan nasambitan ng babae na akuon an pagbabago sa saiyang sadiri huli ta parte na soboot ini kan saiyang pagbuhay.
