Ipigbasol kan Department of Public Works and Highways (DPWH) sa baradong mga salog asin tapyas sa pondo para sa flood control projects an mga naeksperyensiyahang pagbaha na namerwisyo sa kadakol na parte kan nasyon sa kagsagsagan kan mga nagtamang kalamidad.
Tinukoy ni DPWH Sec. Manuel Bonoan an mga riverbeds na soboot sobrang hababaw na asin nasa parehpng lebel na kan riverbanks kaya kun magbulos soboot an magagabat na pag-uran madara ini nin mga pagbaha sa mga kataid na hababang lugar.
Mayo soboot naghililing kan siring na mga problema. Komo kasimbagan sinaysay kan sekretaryo na tututokan kan ahensiya an desilting o paghali sa mga nakabara sa mga salog tanganing magin marhay an mga bulos kan tubig sa mga salog.
Tinukoy man ni Sec. Bonoan an tinapyas na mga pondo para sa pagpepreparar kan DPWH sa marhay na engineered flood control projects sa saradit na kantidad komo rason sa presenteng estado kan flood control system sa nasyon.
Piggiromdom man kan sekretaryo na dati pa, pigbabawasan o kaya man pighahali na an pondo para sa preparasyon asin engineering o pagdedesiyo asin pagpapautob kan structural asin non-structural solutions tanganing mapahupa an epekto kan pagbaha.
Alagad sa ibong kaini, ginibo soboot ninda an saindang makakaya tanganing maipautob an proyekto.
Apwera digde, pig-ako kan sekretaryo na kinakaipuhan nindang simbagan an nadugang na nagkapirang minadaling ipreparar na flood control projects makalihis na maisaley an pambansang pondo.
Igwa man mga nadugang na soboot mga proyekto makalihis na maisaley an General Appropriations Act (GAA) na dae nakikilatis nin marhay.
Marurumduman na sa irarom kan P6.326 trillion na pambansang pondo para ngunyan na 2025, naglaan nin P1.007 trillion, alagad vineto ni Presidente Ferdinand Marcos Jr., an P26.065 billion na kantidad kan public works projects para sa pagpapahupa asin pagkontrol kan baha.
Kaibahan na digde an P4.58 billion na pondo para sana sa pagpapatindog asin pagmantinir kan flood mitigation structures asin drainage systems siring man an mga pondo para sa flood mitigation facilitie sa primerong river basins asin mga salog asin oara sa konstruksiyon asin rehabilitasyon kan suplay kan tubig, sewerage asin pagkolektar kan mga tubig-uran.
Sa ibong man kaini, nagpromesa si Sec. Bonoan na masimbag sinda sa kasuguan ni Presidente Marcos sa pag-imbentaryo kan gabos kan flood control projects irarom kan saiyang pamamayo.
