Pormal nang nanumpa komo alkalde kan Davao City si Sebastian “Baste” Duterte kasuodma, Biyernes, Enero 23.
Permanente ng ookupahon kan joven na Duterte an pwesto kan saiyang ama na si dating Presidente Rodrigo Duterte na presenteng nakakulong sa detention facility kan International Criminal Court (ICC) sa The Hague, Netherlands.
Marurumduman, na-elehir komo Bise Alkalde si Baste kan nakalihis na 2025 midterm elections kaibahan an saiyang ama komo Alkalde asin pamangkin na si Rodrigo Duterte II, na nakakua nin pinakahalangkaw na boto komo konsehal kan siyudad.
Kan nakalihis na Hunyo 30, 2025, dae nagibo ni dating Presidente Duterte na mag-assume komo alkalde huli sa padagos na pagkakakulong kaini sa The Hague mantang pighahalat an paglilitis sa inaakusa kontra sa saiya kan international tribunal na crimes against humanity.
Paramientras na naghalili kaidto komo Acting Mayor si Baste Duterte.Kasunod kan pagbakante ni Baste sa saiyang posisyon, nagribay sa saiya an saiyang pamangkin na si Rodrigo II, na kasabay kaining nanumpa ngunyan na aldaw.
Pinangasiwaan ni Regional Trial Court XI Deputy Executive Judge Marie Estrellita S. Tolentino-Rojas an panunumpa kan duwang local officials.
