NAGA CITY – Selos an pighihiling na rason kan pangbabadil kan aki kan Kapitan sa sarong Barangay Kagawad sa Brgy San Vicente, Tinambac, Camarines Sur.
Sa entrevista kan Bombo Radyo Naga ki PMaj. Gary Mangente, Chief of Police (COP) kan Tinambac-PNP, sinaysay kaini na basado sa saindang inisyal na imbestigasyon, sigon soboot ki Kapitan Gemma Tuy, seloso an saiyang aki.
Katakod kaini, dawa dae pa masabi kan hepe an pinag-ugatan kan pagseselos ni Tuy sa biktimang si Kagawad Edgar Nepas alagad posible ini soboot an rason kan iwal kan duwa.
Sa ngunian, desidido soboot si Kagawad Nepas na magsunad nin kaso kontra sa nasambitan ng suspek.
Marurumduman na tinamaan nin bala sa tulak an opisyal na tulos man na idinalagan sa ospital.
Mantang mismong an ina ni Tuy an nagturn-over digdi sa kustodiya kan mga otoridad.
