Nag-atras na an Cambodia sa 2025 Southeast Asian Games huli sa mga rasong pangkasalbaduhan.
Sa surat na ipinadara kan National Olympic Committee of Cambodia (NOCC) na pirmado ni Secretary General Vath Chamroeun, pigtawan-duon an kasalbaduhan kan mga delegado komo primerong konsiderasyon kaya dagusang pinapuli an mga atletang Cambodian na dapat kudta na malaban sa manlaen-laen na sporting event sa Thailand.
Igwang petsang Disyembre 10 an nasambitan ng surat, sarong aldaw makalihis an opisyal na pagpupuon kan SEAG 2025.
Nakaysaysay man na kadakol sa mga atleta asin saindang mga kaparientes an naghahagad na makabweltada tulos sa saindang mga nasyon makalihis maglala an armadong labanan sa tahaw kan duwang nasyon.
Tulos man na pigpakarhay kan NOCC an salbadong pagpuli kan bilog na delegasyon.
Kasabay kaini, nagpasalamat pa man an komite sa mainit na pagresebir kan National Olympic Committee of Thailand (NOCT) asin ka SEAG organization committee sa mga atleta kan Cambodia.
Dae soboot nagin madali an desisyon, alagad hurot kan NOCC, kaipuhan ining isagibo tanganing maprotehiran an kasalbaduhan kan mga partisipantes.
Kun babalikan an naenot na sagupaan sa tahaw kan Cambodia asin Thai authorities, nag-abot na sa 11 soldados asin sibilyan an binawian nin buhay sa magkaibong na kampo.
