NAGA CITY – Mabayad an Catholic Church nin $76 milyon sa ginatos na biktima kan sexual abuse sa eastern Canada, sigun sa pahayag na iniluwas kan Biyernes, Hulyo 5.
Kan 2020 an napag-araman na responsible an Archdiocese of St. John sa saro sa pinakadakol na child sex abuse scandals sa Canada, partikulamente na sa Mount Cashel Orphanage, na dating boy’s orphanage sa Newfoundland asin Labrador province.
Napag-araman kan korte na nakaeksperyensiya nin pang-aabusong sekswal gikan sa mga padi asin iba pang opisyal kan simbahan an mga aki sa nasambitan ng bahay-ampunan puon pa kan 1940 asin nagpadagos pa nin pirang dekada.
Nasa kabilogang 292 biktima an makakaresiber nin kabayadan puon 55,000 hasta 850,000 Canadian dollars, sigun sa report kan AFP. Kinau an accounting firm na Ernst & Young komo third-party intermediary tanganing siertohon an kantidad na ipagkakaloob sa kada biktima.
Kan 2021 an nagdeklarar nin bankruptcy an Archdiocese of St. John sa ibong kan pagkakaigwa nin 40 million Canadian dollars gikan sa mga napabakal na edificio sa saindang pagsasadiri.
