Pigsayumahan kan Embahada kan China na nakabase sa Maynila an mga espekulasyon sa soboot outbreak kan bagong virus sa China.
Sa sarong statement ngunyan na Biyernes, Dec. 3, pig-apod kan Embahada na “fake news”.
Ginibo kan embahada an paglilinaw sa tahaw kan nagkukuriyat na mga post sa social media dapit sa soboot nanglalangkaw na kaso kan human metapneumovirus (HMPV) na soboot nagkakawsa kan pagkapano kan mga ospital sa nasambitan ng nasyon.
Basado sa pirang post, nagdeklarar na soboot an gobyerno kan China nin state of emergency.
Mientrastanto, enot na man piglinaw kan Department of Health na mayong reliable sources na nagsusuportar sa nagkukuriyat na mga posts sa socmed katakod sa soboot international health concern asin mayo man nin kumpirmasyon gikan sa nasambitan ng nasyon o sa World Health Organization (WHO).
