Pinahimutikan ni National Security Council (NSC) Assistant Director General Jonathan Malaya an sinabi kan China na naggibo soboot nin peligrosong maniobra an barko kan Pilipinas kasunod kan pinakahuring insidente nin water cannon sa West Philippine Sea (WPS).
Nanindugan si Malaya na an mga barko kan Philippine Coast Guard (PCG) asin Bureau of Fisheries and Aquatic Resources (BFAR) nagresponde sana sa mga bareta na pighaharass an mga Pilipinong parasisira sa nasambitan ng lugar.
An duwang barko iyo an BRP Teresa Magbanua asin an BRP Magbuaya. Siringman, kan mag-abot sa lugar an duwang barko, tulos na pigtapaan kan barko kan People’s Liberation Army Navy an Magbanua mantang dagusan man na pigboma nin tubig an BRP Magbuaya.
Apwera sa pambobomba nin tubig, nahagup man soboot kan Chinese vessel an Magbuaya, rason tanganing marraot ini sa nagkapirang parte. Liwat man n binatikos kan National Security Council an pagprobar kan China na baguhon an naratibo dapit sa China.
Sigun pa ki Malaya, imbes na akuon an pang-bully, pigbabago kan China an saindang istorya asin inaakusaran an Pilipinas na naghaharass sa WPS.
