Pigtawan-duon ni Comelec Chairman George Erwin Garcia na dae na sinda matao pa nin grace period makalihis an Setyembre 30 voter registration period.
Sinaysay man kaini na an panahon na ini na nagpoon kan Pebrero halawig na gayo.
Pahayag pa ni Garcia sa Bombo Radyo na binukasan ninda an mga opisina kan Comelec dawa bakasyon, weekend asin kun sarado an ibang opisina.
Dawa sa mga mall asin pampublikong lugar, nag-opresir man sinda nin “Register Anywhere Program” tanganing ma-ayos kan mga namamanwaan an saindang registration record.
Sa ibong kan dakul na nagparehistro, dakul man an na-delist huli sa multiple entries asin an iba nagadan na, base sa saindang beripikasyon.
