NAGA CITY – Pigheras kan COMELEC-Naga an mga rason sa pagpapauktaba kan voter’s registration para sa Barangay and Sangguniang Kabataan Election.
Sa entrevista kan Bombo Radyo Naga ki Atty. Maico Julia Jr., Election Officer, COMELEC-Naga, sinaysay kaini na enot na schedule kan nasambitan ng pagpaparehistro iyo kudta sa maabot na Hunyo 1 hasta Hunyo 11, 2025 alagad nagkaigwa soboot nin bagong abiso sa saindang opisina an COMELEC-Manila na postponed an nasambitan ng petsa asin isasagibo na sana ini sa maabot na Oktubre ngunyan na taon hasta Hulyo 2026.
Dugang pa kaini, igwang mga rason kun tano ipinagpauktaba an voter’s registration, saro na digde Iyo an pending bill kan postponement of election sa maabot na Disyembre kun saen kun dae ini madagos, mangyayari an BSKE sa maabot na Disyembre 2026, siring man saro pa sa mga rason Iyo an huli ta an COMELEC main office soboot an nagpepreparar para sa BARMM election, siring man an pantolong rason Iyo an pag-update kan system para sa voter’s registration.
Katakod kaini, enkaso man na mapirmahan na ni Presidente Ferdinand Marcos Jr. an nasambitan ng bill asin mayo na man mag-kwestiyon gikan sa supreme court dagusan na man na mapapauktaba an eleksiyon ngunyan na taon para sa Barangay asin Sangguniang Kabataan.
Mientrastanto, sa ngunyan pagiromdom na sana ni Julia orog na sa mga maparehistro partikularmente na sa SK minor na igwang edad na 15-17 anyos an kaipong darahon Iyo an birth certificate, siring man sa mga 18-anyos pataas an edad kaipuhan man na darahon an ID.
