Pig-eenkaminar kan Department of Agriculture (DA) an publiko na magrani sa saindang opisina an mga nagbebenta kan mga ‘overpriced’ na bigas.
Sinaysay ni Agriculture Secretary Francisco Tiu Laurel Jr, na pwedeng kuahan kan publiko asin ipadara sa saindang opisina an mga negosyante na nagpapabakal kan halangkaw na presyo kan bagas.
Saro sa mga ini an pagbubugtak kan bakong tamang lebel sa bagasan sa Cartimar Market sa siyudad kan Pasay na iyong nagki-kriar nin pagkalito sa mga parabakal.
Kaibahan kaini an Department of Trade and Industry na naggigibo nin paagi para sa implementasyon kan unified labelling guidelines.
Enot nang pigsaysay ni Presidente Ferdinand Marcos Jr. na ideklarar an food security emergency tanganing mapababa an presyo kan bagas.
Sa irarom kaya kan Republic Act 12078 o ley na nag-aamenda kan Agricultural Tariffication Act, na an sekretaryo kan DA an igwang kapangyarihan na magdeklarar kan food security emergency sa bagas huli sa kakulangan kan supply o an dae maipaliwanag na paglangkaw kan presyo kaini.
