Pigpaparekas kan Department of Agriculture (DA) an pagheheras kan tabang asin farm inputs para sa mga paraoma asin parasira na labi na nasalanta kan bagyong Tino asin Uwan.
Ini an kasunod kan nagin kasuguan ni Agriculture Secretary Francisco Tiu Laurel Jr. sa mga field office kan ahensiya, kasabay kan pagma-mawot kan ahensiya na amay makabangon an mga paraoma.
Pigsierto kan sekretaryo na igwang pighanda an ahensya kan post-typhoon assistance para sa mga paraoma asin parasira, mantang nagpapadagos pa man an assessment asin validation sa mga epekto kan kalamidad.
Sigun ki Laurel, nagtagama an Philippine Crop Insurance Corp. nin P251 milyon tanganing bayadan an mga paraomang nakapagpasiguro sa saindang mga sakahan.
Advertisement
Advertisement
