Pigsugo ni Agriculture Secretary Francisco Tiu Laurel Jr. an Food Terminal Inc. (FTI) na magbakal nin darakulang bulto kan sili asin munggo direkta sa mga lokal na paraoma.
An direktiba komo lakdang tanganing mapapusog an presyo asin mabawasan an pag-depende kan nasyon sa pag-import.
Sigun ki Secretary Laurel na dapat munang bakalon kan FTI an 80 percent kan lokal na produksyon o katampad kan poco mas o menos 3,000 metric tons tanganing ma-incentivize an mga nagtatanom sa paagi kan pagtatao sa sainda nin sierto na buyer asin pagproteher sa sainda kontra sa pabago-bagong presyo sa merkado
kun saen prayoridad kan ahensya an pagpugol sa paglangkaw-baba kan presyo kan sili na kadakli nagtatama sa mga parabakal.
Mantang long-term plan kan kagawaran na papusogon an lokal na produksyon kan munggo para makamit an self-sufficiency asin mamantinir an foreign exchange na presenteng piggagastos sa pag-iimport.
Pigsaysay kan sekretaryo na obheto kaining magin self-relient sa 2027 pag-abot sa munggo huli ta dakula an pig-aangkat kan nasyon gikan sa ibang nasyon partikular na sa Argentina.
