Pinag-aadalan ngunyan kan Department of Agriculture an paghali kan mga brand label sa mga bagas tanganing kontrahon an talamak na manipulasyon sa presyo kan bagas sa nasyon.
Sa sarong pahayag an sinaysay ni Agriculture Secretary Francisco Tiu Laurel Jr.,tuyong piggamit an mga nasambitan ng label kan bagas tanganing ribungon an mga parabakal asin tuyong palangkawon an presyo kan bagas.
Huli digde an piagsugo kan sekretaryo an paghali sa sarong premium asin special sa mga imported na bagas sa mga merkado.
Mientrastanto, dae kabali sa kasuguang ini an mga aning bagas kan mga paraoma sa nasyon komo proteksiyon sa sainda.
Nilinaw pa ni Laurel na an pag-import kan bagas an sarong prebilehiyo asin bakong karapatan.
Dapat an mag-abot sana soboot sa P6 hasta P8 an mark-up kan mga retailers asin importers sa kada kilo kan imported na bagas.
Kaibahan man sa pinag-aadalan kan gobyerno an pagtugot sa Food Terminal Inc. na makapag-import na man nin bagas tanganing kumpitensiyahon an mga private importer.
