Sinentensiyahan nin kagadanan an dating Agricultural Minister kan China huli sa korapsiyon.
Sa desisyon kan People’s Court of Changchun sa northeast Jilin province, sinaysay kan korte na nag-ako si dating Agricultural Minister Tang Renjian nin suhol na kwarta asin property na nagkakantidad nin labi sa 268 million yuan o katampad kan $38 million sa pag-ultanan kan taong 2007 asin 2024.
Sigun sa korte, nagresulta an nasambitan ng panunuhol nin “severe losses” sa interest kan estado asin saindang mga kahimanwa, kaya man, ginagarantiyahan kaini an padusang kagadanan.
Inamin man kan dating top official an nagibo kaining krimen asin nagpahayag nin pagbabasol.
An pagsentensiya ki Tang an pinakabago sa mahigot na kampaniya ni Chinese President Xi Jinping kontra sa katiwalian na nagpabagsak sa nagkapira pang haralangkaw na opisyal.
