Mayo pang impormasyon kun may Pilipinong naapektaran sa pambobomba kan Estados Unidos sa tolong nuclear sites sa Iran, sigun sa Department of Foreign Affairs (DFA).
Sa sarong entrevista ni DFA Assistant Secretary Robert Ferrer na bakong malinaw kun may mga kababayan na Pilipino sa mga tinamaan kan airstrikes an nadamay alagad pinagirumdoman an mga Pilipino na maglikay sa mga pasilidad kan Iran.
Sigun ki Ferrer, igwa nin pigkakarkulong 1,200 Pilipino sa Iran, asin siyam na an naghuhurot na makapuli sa Pilipinas.
Pigsierto man ni Ferrer na an mga personahes kan Philippine Embassy sa Tehran an huring maluwas kan nasyon, tanganing masierto na naasikaso muna an mga mawot magpuli. Mientrastanto, 223 Pilipino sa Israel an naghurot nin repatriation, kun saen 26 sa sainda an naka-iskedyul na makahali. Pigkakarkulong nasa 30,000 Pilipino an nasa Israel.
Sarong Pinoy man an nasa kritikal na kondisyon, mantang pito na an nakaluwas na nin ospital. Napag-araman na nagpakol sa 88 na kaharongan nin mga Pilipino an nareport na naraot huli sa airstrikes kan Iran, asin 80 katawo digdi an nailipat sa mas salbaro na lugar.
Mientrastanto, kan Biyernes, piglangkaw na kan gobierno kan Pilipinas sa Crisis Alert Level 3 an Iran asin Israel, na nangangahulugang pinapayuhan an mga Pilipino sa nasambitan ng mga nasyon na boluntaryong magpuli na kawsa kan naglalang tensyon sa rehiyon.
