Kinumpirmar kan Department of the Interior and Local Government (DILG) na pinuonan nang hanapon kan mga lokal na otoridad an kinamumugtakan ni Senator Ronald “Bato” Dela Rosa kasunod kan naireport na soboot arrest warrant gikan sa International Criminal Court (ICC).
Sigun ki DILG USec. for Public Affairs and Communications Donnie Puno, sa tahaw kan mga bareta dapit sa ICC warrant, pinamarjay nindang aramon kun hain an Senador orog na ta dae na ini nagpapahiling sa Senado nin pirang semana na.
Pigpoporbaran soboot ninda na mangenot asin siertuhong aramon kun hain an Senador.
Inihayag man ni USec. Puno na namonitor kan mga otoridad an Senador nlsa anom na magkakaibang lokasyon sa nakalihis na tolong semana, kadaklan sa mga harong kan saiyang amigo asin mga kontak.
Naghihiro soboot si Dela Rosa gamit an magkakaibang mga lunadan.
Nagsayuma man si Puno na ilahad an partikular na mga lokasyon kun saen nanutaran an Senador alagad kinumpirmar kaini na gabos kan dinumanang lugar kan Senador na sa Pilipinas man sana.
Nilinaw man kan DILG na dae pigkokonsiderar na pugante si Dela Rosa huli ta mayong pigi-isyung warrant.
