Preparado an Department of Migrant Workers (DMW) na paulion an mg Pilipino gikan sa Middle East kasunod kan pag-anunsyar na heightened alert status dara kan sigalot sa tahaw kan Israel asin Iran.
Sigun ki Undersecretary Bernard Olalia, naka-high alert asin preparadong magsimbag sa anuman na posibleng mangyari an DMW, kaibahan an Migrant Workers Offices (MWO) asin mga labor attaché sa rehiyon.
Pinagiromdoman ni Olalia an mga overseas Filipino workers (OFWs) asin an saindang mga pamilya na aktibo na an hotline kan ahensiya tanganing magtao nin tabang sa mga maapektaran kan sitwasyon.
Ipinaliwanag ni Olalia na an Alert Level 3, o an boluntaryong repatriation, an ipinapautob na sa Israel puon pa kan taong-2023.
Igwa soboot poco man o menos 20,000 OFWs sa Israel na nagtatrabaho komo caregivers, pati na man sa hotel, agrikultura, manufacturing workers, asin iba pang sektor.
