Nagpagirumdom an Department of Health (DOH) sa mga eskwelahan na padagos na mag-ingat tanganing malikayan an harawaan kan HMFD o hand foot and mouth disease.
Ini dawa pa nagbaba na an kaso o numero kan pigtatamaan kan nasambitan ng helang.
Sa record kan DOH, puon Mayo 18 hasta 31, 2025 nasa 1,964 na kaso kan HFMD an naikurit kun saen nagbaba ini kan June 1 hasta 14, 2025 an nasa 1,363 an nairehistrong pigtamaan.
Alagad duon kan DOH, dae dapat magin kampante an publiko nin huli ta marekas o posibleng makahawa an nasambitan ng helang kun dae mag-iingat.
Paliwanag kan DOH, an sarong aki na igwa nin HFMD n pwedeng makahawa nin labi sa 2 na ibang aki asin posible ining magdakol kun nasa closed spaces siring kan harong asin eskwelahan.
Abiso ninda, kaipohan na mantinirpn an lawas asin palibot orog na sa mga klasroom asin mga lugar kun saen nagtitinir an mga aki.
