Nakareseber an Department of Health nin haros 1,000 na apod gikan sa saindang mental health hotline, kasagsagan kan holiday season.
Pinakahalangkaw na numero kan nareseber na apod kan ahensiya an isyu sa mental health kan Disyembre 30. Premirong rason an may kinaaraman sa problema sa relasyon o lovelife, anxiety asin depresyon.
Sa datos kan National Center for Mental Health puon Disyembre 21, 2025 hasta Enero 2, 2026, kabilogan 961 na apod an nareseber sa DOH Mental Health Hotline.
Sigun ki Heath Secretary Ted Herbosa, naobserbaran an paglangkaw sa kaso kan suicide asin depresyon sa kasagsagan kan holiday period.
Katakod kaini, pigtawan payo kan ahensiya an mga nangangaipuhan kan mental health support na pupwedeng dumulog sa National Center for Mental Health Crisis Hotline na 1533 asin pig-enkaminar man an publiko na ugalion na magin sensitibo asin magkaigwa nin konsiderasyon sa pinag-aagihan kan ibang tawo.
