Pigsierto kan Department of Justice (DOJ) na dae ninda itatago sa publiko enkaso may warrant of arrest na an International Criminal Court laban ki Senator Bato dela Rosa.
Sigun ki DOJ Spokesperson Atty. Polo Martinez, siring kan ibang warrant of arrest, maaaraman kan akusado asin kan publiko kun may kapot na sindang kopya.
Nilinaw man ni Martinez na sa ngunyan mayo pa man sindang kapot na kopya kan arrest warrant, taliwas sa sinaysay ni dating Presidential Spokesperson Atty. Harry Roque na igwa na an DOJ asin Department of the Interior and Local Government (DILG).
Mientrastanto, pighurot man kan Justice Department na premature asin parehas mga spekulasyon pa sana ngunyan na pag-ulayan an isyu orog na ta mayo pang kasiguraduhan kun nuarin o kun igwa na talagang warrant.
Sa ibong kaini, gigibuhon soboot kan DOJ an gabos nin naaayon sa domestic asin international law.
