Nilinaw kan Department of Justice (DOJ) na mayo pang kumpirmasyon kun nagtatago sa Portugal an dating lehislador na si Zaldy Co.
Sigun ki DOJ Spokesperson Atty. Polo Martinez, igwang naresebir na impormasyon an gobyerno dapit digde, kinakaipuhan pa man ining beripikahon tanganing malikayan an mga dae pa kumpirmadong alegasyon.
Dugang pa kaini, mayo mang presenteng extradition treaty an Pilipinas asin Portugal enkaso yaon duman si Co.
Mientrastanto, enot nang sinaysay ni Interior Secretary Jonvic Remulla na soboot nakaistar si Co sa sarong gated community sa Lisbon.
Posible soboot makipag-koordinar an Department of Foreign Affairs sa mga awtoridad kan Portugal tanganing matukoy an kinamumugtakan ni Co.
Nilinaw man kan DOJ na dae pa beripikado an report na igwang ipinadarang “feelers” si Co tanganing makipag-diyalogo sa gobyerno.
