Pighahagad kan Department of Justice (DOJ) na gibuhong state witness si Julie “Dondon” Patidongan o alyas Totoy na nagsiwalat kan saiyang naaaraman sa missing sabungeros.
Ini an sa hampang kan liwat na pagdagog kan korte sa kaso kan mga nasa likod kan pagdukot sa mga nawawarang sabungero kun saen saro si alyas Totoy sa anom na kinasuhan kaidto.
Sigun ki Justice Secretary Jesus Crispin Remulla, hahagadon ninda sa korte na gibuhong state witness si Patidongan alagad sa ngunyan, ine-evaluate pa kan prosekusyon an reklamong pigsunad kansuarin sana kan pamilya kan mga nawawarang sabungero.
Katakod kaini, umapelar sa DOJ an abogado kan sarong pulis na dawit sa kaso na suguon an Criminal Investigation and Detection Group na iluwas an nagkapirang affidavit na soboot dae naibali sa case folder.
Sa tulong dahon nin surat na ipinadara ki Prosecutor General Richard Anthony Fadullon, sinaysay ni Atty. Bernard Vitriolo, abogado ni PSMS. Joey Encarnacion na an mga dokumento an sinumpaang salaysay kan nagkapirang indibidwal na nagsasabing may kaaraman sinda sa kaso.
