Nagpadara na ang Department of Public Works and Highways (DPWH) nin mga heavy equipment tanganing linigan asin pakarhayon an tinampong naapektaran kan mga nagrasay na daga asin darakulang tipak kan gapo sa tahaw kan panlalamasa kan bagyong Julian sa Northern Luzon.
Segun sa DPWH, nagkapirang mayor na tinampo an naraot huli sa landslide.
Kadaklan dgdi an nairehistro sa Cordillera Administrative Region asin Ilocos Region kun saen nagkaigwa nin mas makusog na pag-uran.
Segun pa sa DPWH, gagamiton ngunian na aldaw ang mga heavy equipment tanganing linigan asin halion an mga nagbagsak na daga, asin mabilog nin paramientras na dalan karibay kan mga tinampong dae maagihan, arog kan Apayao-Ilocos Norte road sa pag-ultanan kan Cordillera asin Ilocos Region.
Pinakiulayan naman kan ahensya an mga pribadong contractor na magtabang sa paglinig kan tinampo.
Mientrastanto, pig abisuhan man kan DPWH an mga biyahero na mag-ingat kun nagmamaneho asin nagbabyahe sa norte kan Luzon huli ta mantenidong halangkaw an posibilidad na magkaigwa nin rockslide asin landslide, orog na sa mga nag-aagi sa mga tinampo na harani sa kabukidan.
