Pigkokonsiderar kan Department of Social Welfare and Development (DSWD) an nagluluwas na report na soboot pigkakaltasan nin ‘buwis’ an cash assistance na ipigheheras sa mga naapektaran kan mga nakalihis na bagyo.
Tinukoy kan DSWD an saro sa mga impormasyong naresebir kan nasambitan ng opisina na nangyari sa Brgy. Quintin Salas sa Jaro, Iloilo City kun saen kinaltasan soboot an cash na pigtatao sa mga biktima, gikan sa social welfare department.
Sa nasambitan ng report, hinalian soboot nin P8,000 an cash aid na naresebir kan mga biktima.
Sigun ki DSWD Asec. Irene Dumlao, nagsasagibo na an ahensiya nin mahewasang imbestigasyon sa nasambitan ng insidente, kaibahan an iba pang lugar na igwang naggugulong na cash distribution.
Hurot kan opisyal, dapat bilog an cash na nareresebir kan mga biktima asin dae pighahalian nin anumang porsyento, buwis, asin iba pa.
Nanindugan an ahensiya na an ayuda para sa mga nangangaipuhan an dapat bilog nindang makukua asin dae pwedeng bawion o bawasan kan sisay man, maski pa an lokal na gobyerno.
Nag-apelar man an ahensiya sa mga biktima kan kalamidad na ireport an siring na insidente kun makakaeksperyensiya man, orog na ngunyan na magkakasunod na nagtama an manlaen-laen na kalamidad sa bilog na nasyon.
