NAGA CITY- Pinapusog pa kan Department of Social Welfare and Development Bicol an financial literacy kan Pantawid Pamilyang Pilipino Program (4Ps) beneficiaries.
Ini an sa paagi kan pigkundusir na pilot implementation kan “e-Panalo ang Kinabukasan” advocacy activity sa Millennium Covered Court sa Buhi, Camarines Sur.
Sigun ki DSWD-5 Director Norman Laurio nasa kabilugang 163 4Ps beneficiaries, kabali na an 31 na gikan sa indigenous peoples (IP) communities, an napili sa pilot beneficiaries kan e-Panalo sa Bicol Region.
An aktibidad na ini an obhetong tukduan an mga benipisyaryo kun pano maggamit nin mobile banking apps, automated teller machines (ATMs), asin iba pang digital platforms tanganing ma-access an saindang cash grants na mas marekas asin salbado.
Pigsaysay kan opisyal na napili an Camarines Sur komo pilot area kan e-Panalo huli ta kadaklan sa mga benipisyaryo kaini an mga katutubo.
Katakod digde, padagos soboot an pagmonitor kan DSWD sa implementasyon para sa pagpapahewas sa iba pang banwaan orog na sa mga hararayo na areas sa Rehiyon.
Sa ngunyan, pigsierto man ni Laurio na padagos an saindang ginigibong mga programa tanganing mapaabutan nin tabang an mga residente na nangangaipuhan kaini.
