NAGA CITY- Nagpepreparar na an kampo ni dating Presidente Rodrigo Duterte tanganing magsunad nin reklamo kontra sa mga personahe kan Philippine National Police na nagsunad nin warrant of arrest kasuarin sana kontra ki Kingdom of Jesus Christ (KOJC) leader Pastor Apollo Quiboloy asin sa lima pang indibidwal.
Sigun ki Duterte, naggamit soboot an kapulisan nin excessive asin unnecessary force sa pagsusunad kan warrant. Komo pigtalagang administrator kan Kingdom of Jesus Christ, ikinamundo kaini an nasambitan ng pangyayari asin ini an rason kun tano magibo soboot nin legal na lakdang sa laban sa mga operatiba kan PNP.
Dugang pa ni Duterte, pigsugo na kaini an mga miyembro kan Kingdom of Jesus Christ na naagrabyado asin na-trauma sa pigsagibong operasyon na ipreparar an saindang affidavit.
Pigpapabali kan dating Presidente an imbentaryo sa mga pagsasadiri kan ng Kingdom of Jesus Christ na naraot.
Kun marurumduman, kan nakalihis na semana, nagpasiring an mga personahe kan PNP tanganing isunad an warrant sa Pastor asin sa iba pang kapwa akusado kaini.
Dae pa man soboot sinda nakakalaog sa pagsasadiri kan Kingdom of Jesus Christ, dae na sinda makalaog huli sa mga miyembro kaini na nag-uuulang sa saindang team.
Enot naman na nangapudan an DOJ sa mga miyembro kan Kingdom of Jesus Christ na dae pag-ulangan an mga pulis huli ta piggampanan sana ninda an saindang tungkulin.
