Pig-apod man ni Presidential Adviser on Poverty Alleviation Secretary Larry Gadon komo politically incorrect an nagin pahayag ni Vice President Sara Duterte na dae ini maatender sa ikatolong State of the Nation Address (SONA) ni Presidente Ferdinand Marcos Jr. sa Hulyo 22.
Marurumduman, kasuudma, July 11, 2024 kan ianunsyar ni VP Sara na dae ini maatender sa nasambitan ng aktibidad.
Katakod kaini, sigun pa ki Gadon, dapat na maisip ni Duterte na nagtitinir na ini pa man giraray an Bise Presidente kan Pilipinas dawa pa nagbutas na an opisyal komo sekretaryo kan Department of Education asin Vice Chairman kan Anti Terrorism Council kan NTF ELCAC.
Pigtawan duon pa man ni Gadon na dapat na magpahiling nin respeto sa saiyang posisyon si VP Sara sa paaagi kan pag-atender sa SONA komo pambawi sa pag-atender kaini sa Maisug prayer rallies na anti-BBM.
Mientrastanto, marurumduman pa mayo man maraot o negatibong pahayag si PBBM kontra ki VP Sara.
