Pigsunadan kan Department of Justice (DOJ) kan Lunes nin kasong qualified human trafficking si dating presidential spokesperson Harry Roque.
Ini an igwa nin kinaaraman sa pagkakaembweltoa kaini sa operasyon kan iligal na Philippine Offshore Gaming Operators (POGO) sa Porac, Pampanga.
Sinaysay ni Justice Undersecretary Nicholas Felix Ty na kaibang nasunadan nin kaso sinda Cassandra Ong, Wu Duanren kan Whirlwidn Corporation, Dennis Cunanan asin 30 iba pa.
Dugang pa ni Ty na malinaw an pagkakaembwelto kan mga akusado na ginamit an institusyon para sa human trafficking.
Enot ng kinasuhan kan Presidential Anti-Organized Crime Commission (PAOCC) an Lucky South 99 authorized representative na si Katherine Cassandra Li Ong asin iba pa.
Kaiba man si Roque sa supplemental complaint na pigsunad kan Oktubre 2024.
Duon ni Ty na maski abogado kan Whirlwind si Roque, personal ining nagpasiring sa Philippine Amusement Gaming Corporation (PAGCOR) para sa renewal kan application kan Lucky South 99.
