Sinayumahan kan ICC Prosecutors an kahagadan ni dating Presidente Rodrigo Duterte na dae makapag-atendir sa nakatalaang pagdangog sa masunod na semana na pupuonan sa aldaw nin Lunes, Pebrero 23, 2025 dapit sa pigkakahampang kaining kasong crimes againts humanity.
Paliwanag kan ICC prosecutors na mayong nahihiling na bastanteng basehan tanganing dae makapag-atendir si Duterte sa nasambitan ng confirmation hearing.
Marurumduman na pigrason kan kampo kan dating Presidente na ini an “old, tired, and frail,” kaya dae ini personal na makapapag-atendir sa pagdangog sa nakatalaan na petsa.
An dating presidente an nahahampang sa patung-patong na kaso sa International Criminal Court huli sa madugong war on drugs na ipinautob kan saiyang administrasyon.
